للصحافة

ملف رايز الصحفي

كل اللي محتاجه عشان تكتب عن رايز. لو محتاج حاجة مش هنا، ابعتلنا.

نبذة قصيرة

رايز تطبيق جيم وأكل مصري للأندرويد والآيفون، بالمصري أولاً وبالإنجليزي كامل. فكرته «انت ضد انت»: المنافس الوحيد هو شبحك، يعني انت امبارح. مفيش ترتيب مع حد، مفيش نقط، ومفيش عدّاد بيرجع لصفر. رايز بيعمل خطة تمرين وأكل على مقاسك بعد تقييم ٣ دقايق ونص، فيه فيديو لكل تمرين، و٤٬٨٦٤ وصفة حلال بالمصري و١٠٨ أكلة مصرية بكميات حقيقية، ووضع للعزومة محسوب على الخطة.

لو سمحت ما تقولش إن رايز «بيخسّس» أو «بيعالج» حاجة: رايز تطبيق لياقة وأسلوب حياة، مش استشارة طبية.

المنصّات: أندرويد وآيفون (قريب)
اللغات: العربي (مصري) والإنجليزي
السعر: مجاني وقت الإطلاق، من غير إعلانات
الفئة: صحة ولياقة

اللوجو

حرف R كوفي على شبكة ٥ × ٦ فيها مربع كهربا واحد: «العدّة الزيادة». ما تغيّرش ألوانه، وما تمطّهوش، وسيب حواليه مسافة قد مربعين على الأقل. والمربع الكهربا عمره ما يستخدم لوحده كرمز.

RYZE

الألوان

أبيض وأسود هما الأساس. الكهربا إشارة مش خلفية: «النهارده/دلوقتي»، والفوز، وزرار رئيسي واحد في كل شاشة. البنفسجي بيظهر بس لما تعدّي شبحك. مفيش برتقالي خالص.